Ng’ano cīa tene cīa Ambeere
Nga’no nī movoro marīa mavesanagwa tene nī andū arīa akūrū makīenda kūthomīthīa ūndū
Ng’ano cīaganagwa ūtūkū rīrīa nyūngū īravīa rīko
RŪGANO RWA WAKANG’ANG’A NA ŪCŪWE
Tene mūno kwarī na kana getagwa wakang’ang’a na gekaraga na ūcūwe,mūthenya ūmwe ūcūwe nīwathīīre mūgūndarī kūrīma agītīga avīngīra wakanganga garūrī na akīmwīra ndakavīngūrīre mūndū,na rīrīa ūcūwe athīīre īrīmūrīmū rīgīūka rīkīrīvarīva mbarīkī,rīrīa wakanganga egwīre akīūrīa atīrī? Nūrīkū ūcīo ūkūrīvarīva mbarīkī cīa cūcū?īī nīnīī īrīmūrīmū rīgīcokīa rīgīcoka rīgītana wakanganga?kworīkū?ūka tūkathake.wakanganga akīūma nja makīthaka na īrīmūrīmū ngīnyagīa kīvwaī.na rīrīa īrīmūrīmū rīendaga kwīnūka rīgītīga rīarīa njara īmwe ya wakangaga.rīrīa ūcūwe wa wakanganga acokīre ethīre mwana Atarī na njara īmwe,akīmūrīa ūrīa ekīre akīmwīra nī īrīmūrīmū rīrīre njara yake.
Rūcīūrī maūkīra ūcūwa nwa wagendaga mūgūndarī rīngī kwogūo nī watīgīre avīngīra wakanganga īkūmbīrī na akīmūkanīa kūvīngūrīra mūndū.na rīrīa ūcūwe athīīre īrīmūrīmū nīrīaūkīre rīngī rīkīvaravara mbarīkī,wakanganga egwa ūgūo akīūrīa nūū ūcīo ūrakoma mbarīkī cīa cūcū?īī nīnīī īrīmūrīmū rīgīcokīa na rīgītana wakanganga kworīkū ūka tūthake,wakanganga akīūma makīthaka na īrīmūrīmū ngīnyagīa kīvwaī na mbere ya rīnūkīte rīgītīga rīarīa mwīrī ūcīo wīngī tīga kyongo.
Rīrīa ūcūwe wa wakanganga acokīre akīthīra kyongo kītherī akīūga ūūīī nīmbūrwa nī mwana ūrīa wa mwana wakwa ūgwo?mwongīa akīthīī akīvīvīa kyongo akīthīa mwīrū akīthīī akīgambīa kīthecerī ka!wagīkīra nthūnū wanaeka ūgūo mūtūtū ūcīo nwawaragīa .
Rīrīa mwongīa athīīre kūrīma īrīmūrīmū rīgīūka rīngī rīgīkoma makūfū arīa kūkūkū!nūrīkū ūcīo ūgūkoma mbarīkī cīa cūcū?īī nīnīīrīgītana wakanganga kworīkū īī tūrarīma wana cūcūī mwongīa akīgwa īya!kwakūrathīī atīa agītīganīrīa mīro mwongīa wakīvīnyūra.
Īrīmūrīmū rīaūka rīgītana rīngī wakanganga īī wakanganga agītīka kworīkū rīkīūrīa nake wakanganga akīūyga īī tūvīnyūrīte wana cūcūī.mwongīa akīnya vandū varī na rūnjī nweka arekīrīe kīthece wakīvīnyūra.īrīmūrīmū rīaūka rīgītana wakanganga īī kworīkū īī tūthīīte wana rūnjī wa īrīmūrīmū rīgītīka rūnjīrī.
Kūma rūganorī rūrū tūrona atī ūcūwe wa wakanganga anarī na vat ana gacūcū gake nwawarekererīe kathīī na rūnjī.nakīo kīrīkanīro gītwīraga atīrī wana ngaī nwatūrekererīe tūngīrega kwīgwa mataro make o taūrīa arekererīe cīana cīa īsīraelī cīamūtīganīrīa