Kwari na muthuri wari na twana twake twiri,akiuga nukwenda kumenya kana karia kendete Ngai kana karia kamwigucaga.muthuri agioca matumbi mairi akimanengera wamundu itumbi riake akimera uu”nimenda wamundu athii na itumbi riri nginyagia varia akegwa vakirita ki! vatari mundu ungimwona aurage itumbi.
nthaka imwe maumagara yathiire nginyagia ikithira vandu vari na kithaka kigitu muno.akiona gutiri mundu umwene akithii akiuraga itumbi riake akinacoka.akinya akira ithe atiri vau nauragira gutiri mundu wamona.
nako kamwanake gaka kengi kathiururukire na itumbi riako gagicutha vakuragira gagikinya vandu gakiuga uu riu vava gutiri mundu ungimona nwati Ngai numune gakithiururuka ringi gakithii gakithira irima gakiuga wana uu wanangitonya irimari riri wana ngiuma Ngai nwokumona kamwanake gakiona gutiri vandu kangithitha Ngai gagicokeria ithe itumbi riake.
kamwanake gacoka kathiire gakira ithe gacutha vandu vakuragira itumbi vatura tondu wanakathii kuu Ngai nwa urakene.ithe akimwira niwamenya ike nike mwana wake uria wendete Ngai tondu niwamenyire gutiri undu angithitha Ngai.
tungiringanithia rugano ruru na kirikaniro tuthomaga ati adamu riria evirie onire ni wega ethithe Ngai, ndamenyaga ati gutiri vandu Ngai atari.wanathwi tuvatii kumenya ati gutiri vandu Ngai atari,kwoguo tutikevye tukiugaga Ngai ndangitwona.