Vindi ya tene eritu na anake nimagendaga kwina ndaci.Tondu magendaga kuraca na mucii mainikia eritu menukagwa ni anake.Gugikinya vindi ya kwina ndaci na mwanake umwe wari irimurimu akina wega muno akiumba ari ana.makinuka ri,eritu makithingata mwanake mari mana.Natondu mwanake ndendaga mamuthingate monthe akimera macoke.akimainira uu;
Mwana nducioke,
Mwana nducioke,
Ukarika ni nderi na mbungu na marimu magwetu,
Mwana nducioke.
Irimu riarikia kwina uguo rigiukiriria njara,mwiritu umwe akiroria akiona kanwa ngavwa akiuga atiri; “ii vena kanwa ngavwa nii ninacioka mbirirwe ni mami ngauna ngu”.ucio akithii magitigwa athatu.irimurimu rikina ringi:
Mwana nducioke,
Mwana nducioke,
Ukarika ni nderi na mbungu na marimu magwetu,
Mwana nducioke.
Riarikia kwina rigiukiriria njara ringi mwiritu wingi akiona kanwa ngavwa akiuga atiri; “kwanjiokei mbirirwe ni cucu ngamwakiria mwaki”.ucio agicioka magitigara airi.
Irimurimu rigicokera rwimbo ringi,rigiukiriria njara,mwiritu umwe wa acio mairi matigarite akiona kanwa ngavwa nake akiuga, “kwanjiokei,mbirirwe ni mami ninii ngatava maai”.ucio agicioka agitigara umwe.nake wanaerwa ni irimu acoke akirega kwigwa.makithii agitwika mwongia wa irimurimu akigia na ciana ithatu.
Gwakinyire vindi irimurimu rikirugithia marua (njovi)kuri mwongia.rigicoka rigita ageni(marimu)manywe.ageni mauka makinengerwa nyungu makinywa ikithira.mwiritu uyu ti mwongia wa irimurimu etagwa mwarwa mwathi.nyungu yathira muthuri wake akimuria uu; “mwarwa mwathi ageni aya arume nimaria ki?”mwongia akina uu;
‘’Nimaria nyungu iyo iri vau natigire arume ngica kurugira muramba na iguru,nwawe maria!’’
Nyungu igiocwa ikinyuwa yonthe ikithira.yathira muthuri akimuria ringi; “mwarwa mwathi,ageni aya arume nimaria ki?”mwongia akina ringi uu;
“Nimaria vava ucio uri vau natigire arume ngica kurugira muramba na iguru nwawe
maria nwawe maria”.
Mwongia arikia kwina uguo magioca kamwana makiria.marikia irimu rikiuria ringi, “mwarwa mwathi ageni aya arume nimaria ki?akina ringi
“Nimaria nyanya ucio uri vau, natigire arume ngica kurugira muramba na iguru nwawe maria”
Arikia kwina uguo magioca keritu makiria.nake tondu niwamenyire kwina ugwati mwongia ari mwambiririu kwinja irima nyomba.riria muthuri auririe kiria makuria ringi mwongia ari mutonyu irimari na ekunikira na kagio.anenganire kana kau gatigarite ari irimari.riria ciana ciathirire mathii gucutha mwongia matianamwona.atura nweka marimu marikire kuricana arimo.
Rugano rururatuthomithia ati nwaturwe ni indo iria twinacio cionthe niundu wa kurega kwigwa.tungiringithania rugano ruru na kirikaniro nituthomaga ati twarega kwathikira ngai nwaturwe ni muoyo wa tene na tene.