Kwarī na mwanake wetagwa gīcingīrī,na wataurīa erītu na anake ambeere magendaga kwina ndaci gīcīngīrī nīwagendaga kwina nwatī ndonaga mundu wa kumwīna nītondu arī na īvang’ī maguru
Muthenya umwe muruwang’ina na gīcīngīrī nī wategete mītego īrīa ītegagwa mugundarī wakīgwatīa īcīa.rīu agwatīa īcīa rī? mwīrītu agīuka wakīrīthīra agita, wakīga vau wagīakia mwaki agīkara kurīvīvīa ,na rīrīa gīcīngīrī athīururukaga, akīthīra mwīrītu akīvīvīa īcīa ,nake mwīrītu ndendaga kwīrwa nugwīka naī,gīcīngīrī akīmwīra “kathī anawe mwīrītu tawe utangīmīna wīra waku nwa gutīnda ukīrīa macīa nwangīnya ngugīrīrīe”.“ īka mwana wetu gīcīngīrī tīga kuga” mwīrītu akīmwīra. gīcīngīrī akīmwīra nīngugīrīrīa umunthī rwīmborī umenye, nīmbuga utīndaga ukīrīa macīa mwīrītu akīra gīcīngīrī kava akamwīna ndakauge.mwanake agītīkīra na akiuga ndakamuga.
Rīu mathīī rwīmborī rī tondu,gīcīngīrī nīwīcī niwavangīre mundu wa gukamwīna ,akīthīī varī mwīrītu akīmwīra nīmbuga! nake wakīmwīna, rīu tondu gīcīngīrī ndaīcī kwina tondu ari na maguru matari mega, mwīrītu akunanwa maru nī gīcīngīrī muno mari rwimbori, rukīthīra augaga ui!ui! rukathira rī.makina nginya itina ria mbere rikithira.
Magīuka kwīna rīa kaīrī mwanake akīthīīra wavarīa mwīrītu aarī akīmwīra,“ nīnguga”mwiritu akīmwīna, rīu mathīī rwimbori mwīrītu akīgwa aaī akīmwīra warīmwe “uga! gacīa kau wīthīre ngīvīvagīa wakamwe nīmararī monthe rīu watīnda ukīnthīnīa rīua rīa ngaī”.wa urīa gīcīngīrī arī auge ugītura wagītīga kwīnwa
Kuma ruganorī ruru turona mwīrītu uyu nī mevya mamwovete na rīrīa aumburīre agītīga kuthīnīka kwogwo nī kava kumbura mevya metu nīgetha tutīgatwīkue ngombo cīa wīvya.