Kwari na mwiritu umwe waguragwa,agurwa agitwarwa mucii.nayo vindi ya tene mwiritu avika ndaricaga kuu avika agendaga kuria kwoyo nginyagia muthenya uria gugatuwa kiathi kwage niwagurwa na atwaragwa ni kana kwoyo.
mwiritu agurwa ri akirwa kwina muthenya muvange uria akaga niwagurwa,naguo muthenya ucio nikwathinjagwa mburi.mburi iyo yathinjwa yacuragwa kuria mwiritu araraga na ndavatii kumikoma;agirirwe nigweterera avewe rutha rwa kuria nyama iyo
riu mburi yathinjirwe igicurwa kuu mwiritu araraga,mburi noru.tondu mwiritu nwagwo akorokete ndari angiumiriria avewe rutha rwa kuria nyama,utuku athii kumama akitinia nyama iria akiria.andu maramuka methire nyama iri nume,wamakimenya mwiritu nurarire nyama wakirwa enuke.
mwiritu enuka kwoyo acokire akigurwa ringi micii inana wakinukagwa athinjirwa mburi akiria utuku atari muve rutha.riria agurirwe mucii wa kenda akithira mwongia mwaro,mwongia ucio akimuria kiria giatumite acererwa ni kugurwa.mwiritu akimwira athinjagirwa nyama akiria atari muve rutha akirwa enuke.mwongia ucio akimwira aumiririe ndakarie nyama athinjirwa.
riu tondu mburi niyathinjirwe nekigwa kuu mwiritu araraga ciakinyire thaa thita cia utuku akigwa ngumba ya nyama iria ona uria inorete akiuga” uui!wamundu umbigwire uui!,mwongia uria akima ivenya akimuria”nindui mwana?”akiga ningumba nwigwa”,mwongia akimwira ui umiriria nyanya wona gwakwa ukathinjirwa yaku ng’ima wanathwi niguo twekirwe.mwiritu aumirirwe ni naciarawe akirega kuria na mwicori akigurwa kuu.
kuma ruganori ruru turona ati kumiriria niundu uri na vata muno tondu mwiritu ucio angiaumiririe mucii uria aguritwe mbere ndangiacererwe ni kugurwa.wanathwi nituvataritwe ni kumiriria maundu monthe tauria jeso aumiririe nginyagia ndagika yamwico